Graad R is ’n oorgangsfase tussen tuis/kinderjare en formele skool. Die fokus is op spelenderwys leer om skoolgereedheid te ontwikkel – fisies, kognitief, sosiaal en emosioneel.
Daar is drie leerareas in Graad R volgens CAPS:
1. Huistaal
Doel: Ontwikkel kommunikasie, luister, praat, vroeë lees- en skryfvaardighede.
Fokus:
-Luister na stories en instruksies.
– Gesels in sinne, gebruik nuwe woorde.
– Klankbewustheid: rymwoorde, eerste klanke hoor.
– Fynspierontwikkeling deur teken, kleur, skryfpatrone.
– Ontwikkel ’n liefde vir boeke en stories.
2. Wiskunde
Doel: Ontwikkel basiese wiskundige begrippe deur spel en konkrete ervaring.
Fokus:
– Tel en getalbegrip tot minstens 10.
– Patrone herken en skep.
– Vorms en ruimte (sirkel, vierkant, driehoek; links/regs, bo/onder).
– Meting (groot/klein, lank/kort, swaar/lig).
– Geld (herken munte), tyd en eenvoudige probleemoplossing in speelsituasies.
3. Lewensvaardigheid
Doel: Ontwikkel die hele kind – liggaamlik, sosiaal, emosioneel en kreatief.
Komponente:
1. Fisieke ontwikkeling
– Grootspierontwikkeling: hardloop, spring, balvaardighede.
– Fynspiere: skêr gebruik, bou, teken.
2. Persoonlike en sosiale ontwikkeling
– Deel, saamwerk, respek en reëls volg.
– Selfbeeld en selfvertroue bou.
3. Kuns en kultuur
– Musiek, dans, dramatisering, visuele kuns (teken, verf, handwerk).
4. Omgewingsbewustheid
– Gesels oor familie, skool, gemeenskap, natuur en veiligheid.
Assessering in Graad R
Informeel en waarnemingsgebaseer – opvoeder kyk na kinders se spel, deelname en vordering.
Belangrik: Geen formele assesserings nie.
Onderrigbenadering
* Spel is die kern van leer.
* Aktiwiteite moet prakties, konkreet en interessant wees.
* Kort, gestruktureerde aktiwiteite afgewissel met vryspel.
Graad R lê die fondament vir leer deur speel, ontdekking en vroeë konsepontwikkeling. Dit berei die kind voor vir die meer formele werk wat in Graad 1 begin.
